पप सम्राट ज्याकसनको निधन

‘पप सम्राट’ गायक माइकल ज्याक्सनको ५० वर्षको उमेरमा आज बिहान लस एन्जलसस्थित आफ्नै निवासमा ह्रदयाघात बाट अस्पतालमा लग्ने क्रममा मृत्यु भएको थियो। अंग्रेजी पप गायनलाई विश्वभर लोकप्रिय बनाएका कारण उनलाई ‘पप सम्राट’ पनि भन्ने गरिन्थ्यो। छालाको क्यान्सरसित जुध्दै गरेका ज्याक्सनले अर्को महिना लन्डनमा कन्सर्ट गर्ने तयारी गरिरहेका थिए।

उनलाई युसीएलए मेडिकल सेन्टरतर्फ आपतकालीन उपचारका लागि लैजादै गर्दा  चिकित्सकहरुले स्थानीय समय अनुसार मध्याह्न साढे १२ बजे पुग्दा ज्याक्सनको श्वास रोकिसकेको जानकारी गराएको थियो।  स्थानीय समय अनुसार दिउँसो २ बजेर २६ मिनेट जाँदा उनलाई मृत घोषित गरियो।

ह्रदयाघात हुनुको कारण सार्वजनिक गरिएको छैन। तर लागू औषधका दुर्व्यसनी ज्याक्सनले बढी मात्रामा औषधि खाँदा ह्रदयाघात भएको हुनसक्ने पश्चिमी सञ्चार माध्यमहरुले बताएका छन्।  चार दशकसम्म उनी विश्वभरका मिडियामा छाइरहे। पछिल्लो पटक भने विभिन्न स्क्याण्डलमा जोडिएर उनको नाम आउने गर्थे। बाल यौन दुर्व्यवहारको आरोपमा उनीमाथि छानबिन समेत भयो, तर आरोप प्रमाणित हुन सकेन।

आपराधिक घटनाको कुनै संभावना नदेखिए पनि लस एन्जलस प्रहरीले मृत्युको कारण पत्ता लगाउन अनुसन्धान गर्ने भएको छ। शुक्रबार पोस्टमार्टमपछि मात्रै उनको अन्तिम संस्कारको घोषणा गरिनेछ। विश्वभरउनका फ्यानहरु अहिले उनको शोक मनाइरहेका छन्। मेरो पनि हार्दिक श्रद्दान्जली पप सम्राट माइकल ज्याक्सन प्रती………..