ह्याप्पी बर्थ डे टु मी

समय, ऋतु अनि काल परिवर्तनशील छ र यो क्रम अनन्त देखी निरन्तर चल्दै नै आइरहेको छ, चलिरहन्छ पनि ।

मिलन, बिछोड, सुख अनि दुख यो पनि मानिसको जीवनमा सँग सगै छाया बनी हिडेकै हुन्छ, आफ्नो जीवन सुखमय बनाउन उ दिन रात मिहेनत गर्छ ।

इच्छा र चाहना सबैको हुन्छ, फरक केवल यती हो कसैमा धेरै हुन्छ त कसैमा अलि कम । भनेको जस्तो नपाए पछी, या त उ परदेशीन पुग्छ नत्र आफ्नो चाहना पूरा गर्न उ गलत बाटो पनि रोज्न पुग्छ । समय न हो, कस्लाई के थाहा ? 

हो,  म पनि त्यही समय को भुमरी मा परेर आज परदेशिएको हु । परदेशिनु को पीडा सायद परदेशिएका हरुलाई मात्र थाहा हुन्छ । अर्काको देशमा आफुले खोजेको जस्तो सबै चाहना अनि स्वतन्त्रता कहिले पनि पाउदैन, पाउछ त केवल केहि रकम मात्रै । बदलामा उसले  आफन्त, साथी अनि आफन्तको माया बाट बन्चित हुन्छ ।

हुन त केहि पाउन केहि त गुमाउनु नै पर्छ,  मैले पनि यो परदेशी जीवन मा धेरै कुरा गुमाएको छु । सबै कुरा लेखेरै पनि सकिन्न र कतिपय कुराहरु त आफ्नो मुटु भित्र लुकाउनु पर्ने बाध्यता पनि हुन्छ ।

खैर, यी सब कुरा गरेर के पो हुन्छ र अब, समय बलवान छ  जो बिती सक्यो,  फर्केर आउने वाला छैन । र यसबाट कोही पनि अछुतो रहन पनि सक्दैन ।

जीवनको धेरै बसन्त हरु पार गरिसके अनि देखी र भोगी सके पनि । मैले कुनै यसमा उत्सव मनाउनु पर्छ भन्ने ठान्दिन, यो त हरेक बर्ष आउछ अनि जान्छ । किन म आफ्नो आयु हरेक बर्ष कम भएकोमा खुशी मनाउने ?

आ-आफ्नो कुरा हो, जन्मदिन मनाउने हरु सँग मेरो कुनै गुनासो पनि होईन यो । मलाई मनमा लागेको कुरा मात्र पोख्ने प्रयास गरेको हु ।

सन्योगवस आज मेरो जन्म दिन रैछ भर्खरै मात्र मोबाईल को स्याडुअल आलार्म बजेर मात्र थाहा पाए । जे होस

 ह्याप्पी बर्थ डे टु मी……….